Axel Smyth e Claudia Merchán, do Simpar de Santiago, premio ao mellor cociñeiro no Madrid Fusión
Non pasou nin un ano e medio desde que abriron e xa teñen no seu estante os principais recoñecementos gastronómicos, entre eles a estrela Michelin e o Sol de Repsol
Hai só tres días que recibiran o premio á mellor croqueta de xamón do mundo
Con só 33 e 32 anos, e un ano e medio no Simpar, Alex e Claudia acumulan xa seis premios que dispararon a visibilidade deste restaurante. A estrela Michelin, o sol de Repsol, o porquiño da mellor croqueta de xamón do mundo, a vaca polos mellores callos, as mellores tapas...
"Que nun evento como Madrid Fusión, que é o máis importante do mundo, recoñezan ese traballo pois fai especial ilusión, estar entre xente tan grande", delcarou Axel Smyth Taracido, o chef do Restaurante Simpar.
"Hai moito traballo detrás. Os premios non veñen da noite a mañá, e a verdade é que temos un bo equilibrio", engadiu Claudia Merchán.
Algúns críticos gastronómicos destacan estes días que poucas veces se ven carreiras tan vertixinosas. Axel di que o seu é un traballo en que hai que ser metódico e rigoroso. Claudia tamén estaba proposta como pasteleira revelación. Ambos admiten que se están a facer máis mediáticos, pero apostan por manter os pés na terra. Polo produto fresco e elaboración elegante que os distingue no 47 na rúa do Vilar.
