Deteñen dous homes en Viana do Bolo con 200 gr de cocaína e outras drogas

A Garda Civil detivo en Viana do Bolo dous homes aos que lles incautaron diferentes substancias estupefacientes.

Segundo informou o Instituto Armado, os detidos son un home italiano de 31 anos e un veciño de Madrid de 32 anos.

Os dous foron interceptados cando circulaban nun vehículo polo quilómetro 9,5 da estrada OU-533.

Durante a intervención, os axentes incautaron 33 gramos de MDMA, 28 gramos de haxix, 76 pastillas de MDMA, catro gramos de pole de haxix e 196 gramos de cocaína.