A A-76, sen orzamento e sen obras empezadas
A A-76 entre Valdeorras e Ourense está bloqueada, non hai obras en ningún dos seus treitos
E na A-54 entre Lugo e Santiago faltan 28 quilómetros e as últimas previsión apuntan que non rematarán as obras ata o 2024
Uns 40 minutos, este é o tempo que se gañaría no traxecto entre Valdeorras e Ourense por autovía. Acúrtase o tempo e gañaríase en seguridade, xa que din os condutores que a nacional está desfeita.
Pero a A-76 segue bloqueada. As obras seguen sen arrancar en ningún dos 12 treitos en que se divide a autovía, ''eu non seu se a verei feita haber os meus fillos''.
Un dos sectores máis afectados pola falta desta rede viaria é o da lousa, que exporta o 90 por cento da súa produción.
Araceli Fernández, presidenta da Asociación de Empresarios Valdeorras. "A fixación da poboación faise a través das empresas se non hai vías de transporte que faciliten e garantan que esa localización é rendible", di Araceli Fernández, presidenta da Asociación de Empresarios Valdeorras.
Outra vía estratéxica para a conexión da Galicia interior é a de Lugo-Santiago, aí faltan 28 quilómetros para que a estrada estea rematada, pero as obras, din os veciños, "van lentas".
Complicacións medioambientais e arqueolóxicas están a atrasar as obras "agora están no río e logo teñen que mover a plataforma e iso levaralles outros dous meses", asegura outro veciño. É máis dunha década de atrasos, as últimas previsións datan o seu remate no 2024.
