ÚLTIMA HORA
Atopan un home morto tras un incendio en Culleredo
Un particular alertou ao 112 de que se producira un incendio non lugar e que no exterior dunha vella instalación hípica había unha persoa tendida
Un home foi localizado este martes á tarde sen vida logo de declararse un incendio nunha antiga instalación hípica en Culleredo.
A alerta rexistrouse preto das 13:30, cando un particular chamou ao servizo de emerxencias 112 para informar dun incendio na parroquia de Sésamo, na rúa Burras, e advertía de que no exterior da nave había un home tendido con graves queimaduras.
De seguido mobilizáronse os Bombeiros de Arteixo, amais de equipos do servizo de urxencias sanitarias do 061 e da Garda Civil e a Policía Local.
No lugar do suceso, e tras finalizar os traballos de extinción, os equipos de emerxencias confirmaron o falecemento do home.
