Atopan na lagoa de Cospeito o cadáver dunha octoxenaria desaparecida

O equipo de busca establecido para buscar unha muller desaparecida en Cospeito, na parroquia de Santa Cristina, localizou este sábado o seu corpo na lagoa de Cospeito. Tiña 86 anos, vivía soa na casa e saiu en bicicleta da vivenda.

Un aviso da Garda Civil ao 112 Galicia contra as 23:30 horas do venres activou o operativo de busca, coordinado polos axentes da Garda Civil, coa intervención de efectivos de Protección Civil de Vilalba e de Meira.

Os bombeiros de Vilaba desprazáronse á agoa para recuperar o corpo sen vida da muller.

🔴#AXEGAInforma da localización do corpo sen vida dunha muller que desaparecera en #Cospeito. Os Bombeiros de Vilalba actuaron para recuperalo da lagoa da localidade.

No operativo de busca, coordinado pola @guardiacivil, tamén participou o #SMPC de Vilalba e a #AVPC de Meira. pic.twitter.com/NSs3S9WiEb

— 112Galicia (@112Galicia) June 3, 2023