As Rías Baixas pasan dun sábado abafante a un domingo fresco e con pouco sol

No interior do país hai aviso de treboadas e no litoral, especialmente nas Rías Baixas, xa experimentaron unha caída de temperaturas.

O sábado ao serán a praia de Samil estaba ateigada con sol e moita calor. Foi a xornada máis calorosa do que levamos de ano e os areais de boa parte do país viviron unha xornada propia do verán.

Só unhas horas despois, este mediodía volvemos ao mesmo areal vigués e a estampa é ben diferente. Ceos cubertos, temperaturas baixas e moita menos xente na praia. Non era preciso ningún parasol e, máis ben, había que botar man da camiseta e algunha roupa de abrigo.