As procesións percorren as rúas de Viveiro neste Venres Santo
As procesións percorren as rúas de Viveiro neste Venres Santo
Comezou cun dos actos máis importantes: a procesión do Encontro, con imaxes articuladas
O día grande da Semana Santa de Viveiro, declarada de Interese Turístico Internacional, comezou cun dos actos máis importantes: a procesión do Encontro, con imaxes articuladas. Segundo contan os organizadores, é unha representación especialmente emotiva e, este ano, aínda máis.
Os que acoden á cita salientan esa emoción que senten ante unha procesión que consideran especial.
E, por iso, son moitos os que visitan Viveiro nestas datas. Este ano, están moi satisfeitos coa participación tanto da xente da zona coma a dos que veñen de fóra.
Ao longo desta xornada, as procesións percorren as rúas de Viveiro durante unhas 16 horas. Pasada a medianoite sairá a dos Caladiños.