As novas xeracións cociñan menos pratos tradicionais
A cociña tradicional é unha herdanza moi valiosa que pode chegar a perderse co paso do tempo
Os mozos consideran que un cocido ou uns callos son pratos moi laboriosos que requiren un tempo que agora mesmo non teñen
Apostar pola cociña tradicional é unha opción cada vez menos frecuente entre as novas xeracións. Os hábitos culinarios van cambiando ao mesmo tempo que o noso ritmo de vida.
Moitos establecementos apostan por preparar menús onde non se perda esta cociña tradicional. Preparar un cocido, uns callos ou mesmo unhas lentellas pode parecer laborioso, pero os expertos aseguran que é cuestión de organizarse, xa que a cociña caseira é máis saudable e económica.
Detrás desta nova herdanza culinaria están, amais desa falta de tempo, as tecnoloxías. Segundo un estudo da UOC, un 46 % das novas xeracións aprende a cociñar a través das redes sociais dunha maneira fácil e rápida.
