As festas e o turismo disparan o prezo e as vendas de peixes e mariscos
Abunda o percebe e a cigala e escasea a ameixa e o rodaballo
É día de reservas na praza. Os clientes buscan o mellor produto do mar.
"É a semana máis grande. Hai festas en todas as vilas. Agora mesmo estaba atendendo un encargo para mañá para a festa dunha vila", asegura o praceiro Gonzalo Riobóo.
As festas tiran da demanda. Pero tamén o turismo nunha das semanas máis fortes do ano co cartel de completo en moitas localidades.
"Estou facendo fotos para mandarlle á familia a Burgos. É que nunca vira estes percebes", di un turista de Burgos
A 120 euros o quilo este espectacular percebe de Corme. Pero a oferta é moito máis ampla con bos prezos por exemplo no lagostino.
"A cigala está a 70, a 65, a 55. Camarón moi bo, de aquí. Hai percebe de moitas clases", asegura unha praceira.
Os praceiros din que este ano os prezos estanse contendo. "Vai a un prezo razoable. Estamos con prezos de marzo e abril".
Despois dun inverno complicado para a pesca o e o marisqueo, o verán está servindo para recuperar o pulo. Con todo preocupa a temperatura da auga do mar. Entre as especies que escasean están o rodaballo e a ameixa.
