Arde unha embarcación de recreo fronte á praia da Carabuxeira, en Sanxenxo
O lume orixinouse a escasos 120 metros da praia da Carabuxeira e foi visible desde varios puntos da ría
O único tripulante logrou poñerse a salvo sen necesidade de asistencia sanitaria
O suceso foi visible desde diversos puntos do municipio
Unha embarcación de recreo, de aproximadamente cinco metros de eslora, sufriu un incendio en Sanxenxo tras botar combustible no porto.
Segundo fontes municipais, o seu único ocupante saltou á auga despois de escoitar dúas pequenas explosións, tras as que empezou a arder o barco. O home foi rescatado, ileso, por unha moto acuática.
A embarcación saía do porto tras botar combustible na gasolineira. Nun primeiro momento, interveu persoal de Nauta Sanxenxo e do Real Club Náutico, Salvamento, así como Emerxencias, Garda Civil e Policía local.
O lume orixinouse a escasos 120 metros da praia da Carabuxeira e foi visible desde varios puntos da ría.
As mesmas fontes precisan que non hai risco de vertedura porque a embarcación non se chegou a afundir, aínda que se despregaron medidas anticontaminación para absorber os produtos usados na extinción do lume. O barco foi remolcado a porto e estableceuse un perímetro de seguridade.
.png)
