Os coches históricos, auténticas xoias sobre rodas que espertan paixón entre os afeccionados ao motor

Quen senta ao volante dun coche histórico desfruta cando roxe o motor.

"Estes coches o peor que teñen é que son antigos e, malia que no meu modelo non hai queixa porque aínda hai pezas, conseguir recambios non é doado atopalos e son custosos", comenta Javier Bouza, piloto dun coche histórico.

O tamén piloto Pablo Álvaro Rodríguez engade que "isto é todo 'made in na casa', como se adoita dicir. Temos que tirar de amigos e traballar alí, buscar a ferramenta e preparar todo nós porque se tes que tirar de talleres oficiais pois sería inalcanzable para nós".

Moitos destes vehículos son sometidos a procesos de restauración. Reciben coidados con grande esmero e atención por parte dos seus donos converténdose en auténticas xoias sobre rodas das que gozar.

"Creo que calquera momento dentro dos coches é un momento bo porque para nós é unha afección, non o temos profesionalizado e trátase tamén de pasalo ben", di Uxío García, copiloto dun coche histórico. 

Diversión que leva os afeccionados aos coches clásicos mesmo a competir en probas como a deste sábado: o Rally Rías Altas Histórico, puntuable para o Campionato de España.