Chega a Galicia o modelo máis polémico de Tesla

O Tesla Cibertruck é unha especie de furgoneta con deseño disruptivo e futurista. O único modelo en España poderase ver ata este sábado na Coruña e a vindeira semana no Salón do Automóbil de Vigo.  Ten capacidade para seis persoas, pero tamén un amplo historial de polémicas. 

Tesla preséntao como un vehículo blindado, pero o certo é que os cristais das ventás romperon o mesmo día da súa presentación. A compañía xa tivo que retirar milleiros de modelos do mercado. Foi ao comprobar que se lle despegaban pezas ao conducir a altas velocidades ou a baixas temperaturas.

Todo, despois de asegurar que tanto o exterior de aceiro inoxidable como as ventás aguantarían o impacto dunha bala. 

Estes días podémolo ver en Galicia. Aínda que de momento, pódese ver pero non tocar. O vehículo está prohibido en Europa ao considerar que o seu exterior é perigoso nun posible accidente con peóns.