Arde o salón dunha casa en Noia e toda a vivenda queda afectada polo fume

Durante a madrugada deste domingo unha casa comezou a arder en Noia, arredor das 06:52 da mañá.

O inmoble sitúase na Chaínza, na rúa Camiño Sacramental.

Concretamente o incendio iniciouse no salón da casa, e estendeuse o fume por toda a vivenda.

Non se rexistrou ningún ferido, xa que o único ocupante da casa deuse conta do lume a tempo.

Ata o lugar achegáronse os Bombeiros de Boiro, os Bombeiros de Ribeira, o GES de Noia e a Garda Civil.

Segundo os servizos de extinción, incendio ocorreu por un cigarro que quedou sen apagar.

Imaxe cedida polos Bombeiros de Boiro