Aparece un cadáver en avanzado estado de descomposición nun inmoble en ruínas de Vigo

Axentes da Policía Nacional e da Policía Local desprazáronse ata o número 47 da rúa Poboadores de Vigo, inmoble onde apareceu un cadáver na tarde deste mércores.

Trátase dunha vivenda en estado de ruína onde ás veces pasan a noite indixentes ou ocupas.

Ao parecer o corpo levaba días no lugar, aínda que é algo que deberá determinar a autopsia, segundo fontes da Policía Nacional.

Ata o punto desprazáronse efectivos da Policía Científica e o forense. Á espera de que se lle practique a autopsia, as mesmas fontes precisan que o cadáver non parece presentar signos de violencia.