Álvaro Muñoz: "Gustoume a actitude defensiva do equipo"

A vixésimo quinta edición  da VBCup Helena Mariño, organizada polo CB Vilagarcía, enfrontou o conxunto de Moncho Fernández cun dos equipos máis poderosos da liga lusa. O resultado deu como vencedor aos composteláns por 81 a 67. O capitán Álvaro Muñoz falou co Galicia en goles tras o encontro. 

"Puxemos o foco no ritmo, en sacar rápido de fondo, correr e o acadamos. Xogamos en equipo e gustoume a actitude defensiva do equipo. Estivemos con moi bo ton para ser o primeiro partido. Aos novos vinos ben, aínda nos queda coñecernos máis e seguro que melloraremos. Gustoume a actitude de todo o equipo".