Afondamos no virus da varíola do mono: certezas e incertezas

Apenas logramos saír dunha pandemia e xa outro virus está ocupando titulares. Por agora o número de casos é moi reducido. Os virólogos volven recomendar cautela e medidas profilácticas nas relacións sociais para evitar as transmisións. 

Coñecida dende hai setenta anos, a varíola do mono, endémica de África, sorprende agora o mundo occidental por varios gromos rexistrados nunha vintena de países. Houbo algún caso en Estados Unidos en 2003 e dábase por extinguida en Europa, pero desde 2018 detectáronse casos esporádicos no Reino Unido.