Activo un incendio forestal no concello de Baltar que xa queimou máis de 95 hectáreas

A Consellería do Medio Rural informa dun incendio forestal, activo a primeira hora da tarde deste sábado, que se rexistra non concello ourensán de Baltar, parroquia de Garabelos do Bouzo.

Comezou a arder contra as 12,21 horas deste sábado. Segundo as últimas estimacións provisionais da Xunta de Galicia, afecta unha superficie de máis de 95 hectáreas.

Para a súa extinción mobilizáronse, polo de agora, 2 técnicos, 5 axentes, 7 brigadas, 5 motobombas, 2 pas, 4 helicópteros e 6 avións. 

De momento non hai perigo para nucleos de poboación.

O alcalde de Baltar, José Antonio Feijóo, dixo estar preocupado pola dispoñibilidade de auga na zona para apagar os incendios, debido a seca deste verán.

Outros dous lumes activos en Galicia, en Rodeiro e en Sober

Este sábado pola tarde comezaron arder outros dous lumes forestais. Un deles no lugar de Arnegos, no concello de Rodeiro. Segundo informou a consellería de Medio Rural este incendio prendeu contra as 15:95 horas. Ata alí desprazáronse tres axentes, oito brigadas, catro motobombas, dúas pas, dous helicópteros e dous avións. 

De momento non se dispoñen das hectáreas afectadas polo lume.

Outro lume prendeu este sábado pola tarade no lugar de Neiras, no concello de Sober. Ata alí desprazouse a Breigada helitransportada Becerreá e a Formación ACT Doade.

De momento, non se coñece a superficie afectada.

A Consellería do Medio Rural lembra que está á disposición da cidadanía ou número de teléfono gratuíto 085, ao que deben chamar en caso de detectar algún lume forestal. Ademais, tamén está dispoñible para a súa descarga ALume, a app para avisar sobre incendios forestais activos en Galicia.

Ademais, existe un teléfono anónimo e gratuíto para denunciar calquera actividade delituosa incendiaria dá que se teña sospeita ou coñecemento: 900 815 085.