Extinguido o incendio forestal de Forcarei tras arrasar 34 hectáreas
Da superficie queimada 33 hectáreas son de monte raso e unha de arborado
A Consellería do Medio Rural informa que o incendio rexistrado non concello pontevedrés de Forcarei, parroquia de San Miguel de Presqueiras, quedou extinguido onte ás 22,44 horas.
Este lume iniciouse ás 05,58 horas deste sábado e finalmente afectou unha superficie de 34 hectáreas, das cales 33 son monte raso e 1 de arborado. Para a súa extinción mobilizáronse en total 1 técnico, 8 axentes, 14 brigadas, 10 motobombas, 2 pas, 1 avión e 3 helicópteros.
A Consellería do Medio Rural lembra que está a disposición da cidadanía o número de teléfono gratuíto 085 e a aplicación móbil ALume para avisar en caso de incendio forestal, así como outro teléfono (900 815 085) para denunciar calquera actividade delituosa incendiaria da que se teña coñecemento ou sospeita.
