A zona histórica de Ourense está chea de pintadas

Non hai rúa da zona histórica de Ourense que se libre destes borranchos de aerosol. As pintadas enchen as fachadas de casas, negocios, escaparates, mobiliario público e mesmo afean a catedral de Ourense, Ben de Interese Cultural, e o Arquivo Histórico.

Comerciantes, veciñanza e turistas concordan que estas pintadas denigran o corazón da cidade e piden que se persiga e castigue este vandalismo.

Dende a asociación de veciños Casco Vello din que esta é unha mostra máis do desleixo do Concello de Ourense coa zona vella. E dan posibles solucións contra o spray dende limpezas exaustivas, máis control policíal nestas zonas afectadas, que se sancione aos autores destes garabatos e se incida máis na educación.

Dende a Concellaría de Limpeza din que nos espazos públicos si se están a borrar as pintadas pero que nas propiedades privadas a limpeza deben realizala os donos.