A Xunta publica as datas de exame de 94 oposicións para cubrir máis de 1.500 prazas

A Xunta de Galicia vén de publicar o calendario de oposicións para 94 procesos selectivos abertos e que se prevé comecen no próximo mes de xuño e estean rematados en marzo.

Nestas oposicións está previsto que participen uns 69.000 aspirantes que optan a 1.548 prazas de emprego público.

24 exames realizaranse no mes de xuño e 9 no de xullo.

Os restantes irán de setembro a marzo de 2024 e correspóndense con procesos de estabilización. Serán o 5 en setembro, 11 en novembro, 2 en decembro, 25 en xaneiro, 12 en febreiro, e o derradeiro en marzo.

Os primeiros en examinarse farano o 10 de xuño e serán os que opten a prazas de enxeñaría industrial, arqueólogos, e os da escala de axudantes de arquivos, bibliotecas e museos. Os últimos en facelo farán a proba o 16 de marzo, xa de 2024, e serán os candidatos a auxiliar para a cobertura de prazas de discapacidade intelectual.