A Xunta aproba a creación do Observatorio Galego do Xogo
O Observatorio promoverá campañas de sensibilización e prevención por un xogo responsable e seguro
O Consello da Xunta aprobou este luns, na súa reunión semanal, a creación do Observatorio Galego do Xogo, que estudará e avaliará as políticas públicas neste ámbito para adaptalas ás demandas da sociedade.
A creación do observatorio é parte do camiño na procura dun entorno responsable e seguro que priorice a prevención e a protección dos usuarios. Os menores e os colectivos mais vulnerables son a prioridade, sobre todo nestes tempos en que o risco non son só as máquinas comecartos, os bingos e os casinos, senón tamén o xogo online e mesmo os videoxogos.
"Trátase dun organismo que estudará, avaliará e fará seguimento do sector do xogo en Galicia para garantir un modelo seguro e responsable. Este observatorio ofrecerá datos obxectivos e contrastables para adaptar as políticas públicas as necesidades detectadas", explicou o conselleiro de Presidencia, Diego Calvo, quen este luns presidiu a xuntanza do Consello, pola ausencia de Alfonso Rueda.
A Federación española de Xogadores de Azar rehabilitados calcula que case o un e medio por cento da poboación ten problemas de xogo. En Galicia serían unhas 20.000 persoas, das que só 1730 anotáronse no rexistro autonómico.
