G24.gal ofrece un novo deseño
A nova presentación responde á tendencia da comunicación cada vez máis dixital e interactiva
A Rede é o espazo con maior potencialidade de difusión para calquera tipo de contido, incluídas as noticias. A nova presentación da web G24.gal responde a esta tendencia da comunicación cada vez máis dixital e interactiva.
A nova web mellora, sobre todo, a experiencia do usuario. Está adaptada a todos os dispositivos. Cun deseño máis innovador, desde agora vai ser moito máis doado atopar a información, que continuará ofrecéndose as 24 horas ao día.
Para facilitar esa difusión permanente, a plataforma de traballo da web permite o acceso directo de todos os profesionais das redaccións de informativos da Televisión e da Radio Galega.
O novo xestor ofrece a posibilidade de publicar en maior cantidade de medios en menos tempo, é dicir, que os xornalistas da TVG e da Radio Galega poden publicar os seus contidos con maior celeridade e simultaneamente en máis medios dixitais.
