A vaga de calor por en alerta a todas as comunidades autónomas, agás As Canarias
Este episodio de calor extrema vaise prolongar ata a fin de semana
A calor aperta en toda España e só dá algún respiro na costa. Agás As Canarias, todas as comunidades autónomas manteñen activada a alerta de risco por altas temperaturas.
O peor está en Sevilla, onde nas comarcas irrigadas polo río Guadalquivir os termómetros chegarán aos 44 graos e o nivel da alerta é vermello. Noutras catro provincias andaluzas, as máximas non baixarán dos 40 graos.
Nivel vermello tamén na veiga do Guadiana, en Badaxoz, onde chegarán aos 44 graos, e laranxa en Cáceres por temperaturas entre 40 e 43 graos.
Na metade norte, as temperaturas subirán ata os 41 graos no val do Ebro.
As mínimas manteranse en toda a Península entre 5 e 10 graos por riba do habitual e no suroeste non baixarán dos 22 graos.
A AEMET prognostica que este episodio de calor extremo se prolongará ata a fin de semana e que ata o próximo luns non se notará un descenso dos termómetros coa entrada das baixas presións desde o Atlántico.
