Xornada de verán en Ourense con máximas por riba dos 30 graos

Se son dos que despois dun inverno coa chuvia como protagonista, estaban desexando que chegara o sol e as altas temperaturas están de sorte. A deste domingo en Ourense por exemplo, foi unha xornada case de verán.

"É unha marabilla, despois de tanto frío, tanta chuvia, esto é un dez."

"Chegou ben de auga. É un gusto erguerse pola mañá e ver este ceo azul é unha pasada.

En Ourense o sol comezou aquecer xa de mañá. De novo os termómetros prometían acadar valores máis propios de xullo ou agosto que da primavera.

"Hoxe xa fixo que manga corta xa todo o día, claro."

"Qué horror, demasiada calor eu xa non a soporto."

Certo que non foi o día dos amantes do entretempo: 30 graos e medio marcaron os termómetros na cidade das Burgas a primeira hora da tarde. Roldaron os 30 na Arnoia e Leiro. E en Valdeorras tiveron tamén unha xornada moi calorosa, cumpríu unha boa sombra: chegaron os 29 graos en Vilamartín. Foron as temperaturas máis altas de Galicia.

"De calquera xeito é que ven todo moi xunto, e agora de repente o mellor dentro de tres días volvemos poñer o abrigo."

"Fomos o río, bañámonos, estivemos nas termas tamén un rato e agora ir tomar un xeado."

"Un domingo fantástico en Ourense: vir as termas, tomar un baño, dar un paseo, ir agora a unha terraza a tomar unha cerveza. A chaqueta aquí."

Pois semella que a calor e esta especie de verán adiantado, van quedar aínda un par de días en Ourense con máximas que seguirán roldando os 30 graos.