Domingo de primavera de sol e calor nas praias do litoral de Vigo
O sol aínda non marchou e isto fai que sexa un deses domingos de abril nos que o termómetro está permitindo gozar da area e do mar a uns cantos "praieiros autóctonos"
Coa chegada do verán, dentro de 63 días, a imaxe será a dos areais ateigados de xente e parasois
Un domingo coma este de abril, de plena primavera, con 25 graos e sol, é un domingo de praia.
Con moito ambiente está Samil e o seu paseo, con moita xente pero sen saturacións, e noutras máis pequenas e máis salvaxes, coma a de Canido, a do Vao, ou a de Xunqueiro, a que aquí lle chaman de Fuchiños. É o momento do ano perfecto para gozar dos tesouros litorais con calma. Ata o mércores seguirán subindo as temperaturas para chegar aos 29 graos.
Este domingo os vigueses tíranse as praias coñecedores de que antes da tempada alta esta marabilla é algo máis exclusiva.
Máis sitio na area, na auga e como non atención ben rápida nos postos de praia.
