A salvo os dous tripulantes dun pesqueiro que se afundiu preto de Cabo Vilán
A embarcación galega A Fervenza sufriu nas últimas horas unha vía de auga e os seus tripulantes foron trasladados a Camariñas en bo estado de saúde
O pesqueiro galego A Fervenza sufriu nas últimas horas unha vía de auga, o que provocou o seu afundimento nas proximidades de Cabo Vilán, en Camariñas. Os seus únicos dous tripulantes foron trasladados á localidade de Costa da Morte e atópanse en bo estado.
Salvamento Marítimo informa de que, tras recibir alerta de radiobaliza e aviso doutro pesqueiro na zona, o Centro de Coordinación de Salvamento (CCS) Fisterra mobilizou a lancha Salvamar Altair e o helicóptero Helimer 402.
Pesquero A Fervenza, de 10 metros de eslora, solicita remolque por cabo enganchado en la hélice a 1,2 millas al W de Cabo Prior. 3 tripulantes. CCS A Coruña moviliza la Salvamar Betelgeuse, que lo remolca al muelle de Oza #SeguridadNautica #PescaSegura pic.twitter.com/N7ZlkCS89O
— SALVAMENTO MARÍTIMO (@salvamentogob) September 28, 2023
Entón, o pesqueiro Zeus, que estaba na zona, avisou de que tiña aos dous tripulantes do A Fervenza a bordo e en bo estado e, posteriormente, do afundimento da embarcación. A lancha de Salvamento encargouse de recoller aos mariñeiros e trasladalos a Camariñas, tras realizar labores de dispersión mecánica de restos de contaminación procedentes do afundimento.
Trátase dun pesqueiro con base en Celeiro (Lugo) e construído no 2006, cunha eslora total de 9,95 metros e casco de aceiro, detallan os datos do censo do Ministerio de Pesca.
