Unha nova liorta reaviva a preocupación veciñal na Coruña

A Ronda de Outeiro da Coruña foi o escenario este domingo dunha nova pelexa. Nas imaxes, gravadas polos veciños, vese como varios mozos baten entre eles en plena rúa e á luz do día. 

É un episodio que se repite con frecuencia nesta zona, nas proximidades da rúa Alfredo Tella. A liorta sucedeu sobre as nove e media da mañá.

Os veciños da zona levan xa tempo denunciando estes episodios violentos e a inquietude que xeran.

Din que estes incidentes se repiten cada semana e están relacionados coa actividade nocturna de varios locais da zona e co trapicheo e o consumo de drogas.