Incomunicados dende hai un ano en Cervantes pola caída dunha ponte

A ponte de Mosteiro, en Cervantes, leva máis dun ano caída. Como consecuencia, a veciñanza de media ducia de núcleos desta parroquia ten que dar rodeos quilométricos para poder chegar ata a outra beira, e outro tanto ocorre cos servizos que reciben.

Os traballos para refacer a ponte comezaron hai seis meses, pero levan tempo parados. Os afectados reclaman, por tanto, que as obras rematen canto antes. 

Sen ponte, os residentes nesta zona dos Ancares continuarán illados polo río Cancelada, afluente do Navia.