A representación de "Don Juan Tenorio" leva o teatro ao camposanto de Lugo

Xa é unha tradición cando se achega a festividade de Todos os Santos. No cemiterio de San Froilán en Lugo, a Escola Palimoco, representa a obra de Don Juan Tenorio, unha iniciatica organizada polo Concello. Unha experiencia teatral nun escenario único. 

"O Don Juan é unha obra bastante boa para representar nun cemiterio, dá moito xogo", di Area López, membro de Palimoco Teatro. 

"Mellor escenario ca este para facela non hai, a escenografía son os propios corpos dos rapaces e tamén a propia contorna. Este cemiterio de Lugo recibiu varios premios pola marabilla que é", afirma Paloma Lugilde, da Escola Palimoco. 

Desta volta a chuvia obrigou a trasladar a obra ao interior da capela. 

"Imos ver unha obra adaptada a todos os públicos", comenta Maruxa Bruña, tamén membro de Palimoco.

"Quixemos vir ao cemiterio para escoitar e acompañar a xente que está aquí", conclúe Paloma Lugilde.