A Paixón segundo Playmobil recrea a Semana Santa do Carballiño con figuras de xoguete

Falta unha semana para o domingo de Ramos pero no Carballiño xa se pode gozar das procesións da Semana Santa, iso sí a tamaño bastante reducido. É a exposición a Paixón de Play Móvil que está instalada na igrexa da Vera Cruz.

"Son máis de 15.000 pezas, superando en 3.800 figuras as de anos anteriores, porque incluso dentro das igrexas tamén hai figuras. Pódense atopar por todas as esquinas. Calculamos unhas trinta, trinta e pico horas de traballo aproximadamente para montar todo esto." Explica Rafael Melero, o Confrade Maior da Confraría da Vera Cruz.

Unha recreación da Semana Santa do Carballiño para a que a Confraría da Vera Cruz contou coa colaboración da Asociación Española de Playmobil. Os coleccionistas achegaron boa parte dos milleiros de figuras, edificios e decoracións que integran a mostra, en que tamén colaboraron os veciños da vila.

"A parte tamén colaboran algunhas persoas desta vila que tiñan algunhas destas casas e que as trouxeron para poder complementar o traballo feito por todos estes coleccionistas." Di o Confrade Maior.

Na Paixón segundo Plyamobil podemos admirar os distintos pasos das procesion percorrendo a vila, pero tamén se recrean outros eventos emblemáticos do Carballiño

"Porque unha vila é unha vila viva. Non son só as procesións, tamén están outros elementos, outras características propias do Carballiño como pode ser esta praza que temos a carón da Vera Cruz, donde nas festas de setembro se monta un parque de atraccións, de ahí que teñamos unha nora ou un carrusel. E o que é o máis emblemático da nosa vila, que todo aquel que se achegue sempre vai poder tomar un bo polbo. E temos as polbeiras con todos os elementos traicionais." Di Rafael Melero.

A mostra pode visitarse de balde ata o 5 de abril na ábsida da igrexa da Vera Cruz.