Centos de persoas métense na auga para limpar os ríos de 50 concellos galegos

Era o día de mollarse polos ríos, de pórse mans á obra para retirar canto máis lixo mellor das beiras e da auga.

"O obxetivo principal é visibilizar o estado de sucidade evitable dos ríos, porque como estades a ver son latas de refresco, papeis de caramelos, bolsas de patacas..., un lixo totalmente evitable", explica Patricia Reboreda, a responsable da Área de Conservación da Natureza do Concello de Ames.

Ademais de no rego do Ameneiral, houbo ata medio cento de concellos de toda a comunidade en que se fixeron de limpezas simultáneas.

O proxecto Móllate polos ríos naceu da man de Adega hai case vinde anos e contribuíu a retirar toneladas de lixo de todo tipo que nunca debeu acabar na auga.

"Dende vehículos, rodas, butacas, colchóns... un lixo moi difícil e o que faciamos era marcar os puntos e logo había que ir cunha pluma ou algo así", di Patricia Reboreda.

Unha actividade que busca concienciar a sociedade da importancia de coidar os nosos ríos e que está aberta a toda a familia.

"Que aprendan a coidar a contorna e que cando se tira algo alguén o tén que recoller, porque senón queda aí e contamina".

"Pois que deixen de tirar as cousas porque ao final o río é de todos e todos temos que coidalo, dá gusto telo limpo".

Cos datos recadados polos equipos de voluntariado, os responsables do proxecto elaboran cada ano un informe sobre o estado de saúde dos ríos galegos.