A experiencia de facer o Camiño no Nadal

A friaxe non impediu que os peregrinos que planificaron facer o camiño nestas datas cumprisen co seu cometido. Os rexistros da Oficina do Peregrino computaron máis de 2.500 persoas que recolleron as súas credenciais neste mes de decembro. 

A maioría madrugaron esta mañá e saíron dos albergues con temperaturas en negativo, pero as xeadas non lles preocupan cando o obxectivo é facer a última etapa do seu percorrido.

"Pareceume moi bonito. É moi tranquilo. Polo camiño estaba todo pechado e había moi poucos peregrinos pero entre os que viñamos fomos collendo confianza, falando"

"Tivemos moi boa sorte. O tempo acompañounos, só sacamos os ponchos dous días, un anaquiño e nada máis"

"Empezamos en Vega de Valcarce xusto cando empezaba a nevar e foi precioso. Foi un Nadal perfecto, branco. Algo duro e precisabamos raquetas porque tivemos neve ata o xeonllo, pero moi bonita"

Nestas datas de recollemento escolleron, por diferentes motivos, compartir experiencias e a cea de noiteboa con descoñecidos.

"Foi un ano moi duro. Tivemos dúas perdas, meu pai e unha tía, e entón queriamos facer a peregrinaxe para estar máis cerca deles"

"O día de Noiteboa fixemos unha cea comunitaria entre todos e pasámolo moi ben. Foi unha boa experiencia e gustoume"

As cifras de cara ao remate do ano superan unha vez máis as do anterior, nun 6%.