Publicador de contidos

Publicador de contidos

A Copa do Mundo chega a Santiago da man de Luis de la Fuente

A Copa do Mundo chega a Santiago da man de Luis de la Fuente

O presidente da RFEF, Rafael Louzán, o seleccionador da selección masculina, Luis de la Fuente, e o presidente da Xunta, Alfonso Rueda, desplazáronse á Catedral a realizar unha ofrenda ao Apóstolo

O presidente da RFEF, Rafael Louzán, o presidente da Xunta, Alfonso Rueda, e o seleccionador nacional masculino, Luis de la Fuente, poñéndolle a camiseta da selección ao Apóstolo. (EFE/Lavandeira Jr.). O presidente da RFEF, Rafael Louzán, o presidente da Xunta, Alfonso Rueda, e o seleccionador nacional masculino, Luis de la Fuente, poñéndolle a camiseta da selección ao Apóstolo. (EFE/Lavandeira Jr.).
G24.gal 19/11/2026 15:51 Última actualización 19/11/2026 16:40

O trofeo da Copa do Mundo chega a Santiago este xoves, catro meses despois da vitoria de España no Mundial de fútbol masculino contra Arxentina. Na xira de exhibición do trofeo, este será exposto no edificio CINC da Cidade da Cultura o venres e o sábado de 10.00 a 20.00. 

A selección española masculina de fútbol comezou no aeroporto Rosalía de Castro-Lavacolla a súa viaxe a pola segunda estrela. No acto inaugural da visita no pazo de Raxoi, Luis de la Fuente remarcou que "aínda quedan cousas por facer, o mellor está por chegar e xuntos pelexaremos de novo por obxectivos tan importantes coma este". Momentos despois, Alfonso Rueda e Rafael Louzán acompañaron ao seleccionador a realizar unha ofrenda ao Apóstolo a menos de dous meses de que comece o Xacobeo 2027.

Dende Raxoi, o seleccionador mostrou o seu agradecemento a Compostela e "a toda Galicia"; ademais, destacou a boa acollida que está a recibir en todos os lugares de España aos que levan o trofeo mediante a exposición 'Reis do Mundo'. "Isto é o éxito de todo un país, toda unha nación volcada coa súa selección", recalca.

Á súa vez, Rafael Louzán lémbrase de "todo o fútbol de Galicia" e destaca a emoción por estar na súa terra con este recoñecemento e incide na ilusión desbordante de aqueles que se achegaron á praza do Obradoiro a sacarse fotos co seleccionador. O presidente da RFEF remarca a importancia de facer a ofrenda ao Apóstolo como "patrón de España". 

Tamén estiveron presentes nesta cita os máximos directivos do Deportivo da Coruña e do Celta de Vigo, Juan Carlos Escotet e Marián Mouriño.

Un anaco da celebración no Multiusos Fontes do Sar

O presidente da Real Federación Galega de Fútbol, Pablo Prieto, resaltou o día de hoxe como o "día grande para Galicia" desta recepción. Segundo resalta o presidente, máis de 7.000 nenos galegos desprazaranse esta tarde ao Multiusos Fontes do Sar e se levarán "un cachiño da copa". 

O xogador compostelán Borja Iglesias estará esta tarde no encontro en representación dos xogadores da Selección Española de Fútbol.

Publicidade
Publicidade
Publicidade
Publicidade