A calor pon en aviso amarelo trece concellos do sur de Pontevedra

Este sábado produciuse unha suba xeralizada das temperaturas na península ibérica que tamén se deixou sentir en Galicia, en especial no sur da provincia de Pontevedra.

A primeira hora da tarde activouse o aviso amarelo por calor en trece concellos pontevedreses, onde as máximas roldaron os 34 graos, entre eles O Porriño.

A calor mantivo o aviso amarelo activo ata as nove da noite en toda a zona do Miño de Pontevedra.

Este domingo non hai avisos previstos en Galicia pero as temperaturas seguirán altas en boa parte da comunidade nas horas centrais e prevese que a calor continúe durante os primeiros días da semana.