Feridas 25 persoas nun bar en Vallecas que estourou por unha concentración de gases

Polo menos 25 persoas quedaron feridas, tres delas en estado grave e dúas potencialmente graves, tras unha explosión rexistrada no bar Mis tesoros da rúa Manuel Maroto do distrito madrileño de Puente de Vallecas.

O estourido, que se produciu sobre as tres da tarde, destruíu parte do portal e unha parede do bar, e afectou tamén o edificio de vivendas situado enriba do local. Segundo informa o voceiro dos bombeiros de Madrid, unha "concentración de gases" provocou a explosión. 

A retirada dos cascallos tivo que se facer a man para evitar riscos. A inestabilidade da estrutura impediu introducir maquinaria.

Visión exterior do edificio danado. EFE/Emerxencias Madrid