A calor obriga a adiantar a recollida das flores e condiciona a campaña de defuntos

A actividade en invernadoiros galegos intensificouse, e moito, nos últimos días. O motivo, que a recollida das flores cultivadas con vistas á campaña de defuntos tivo que adiantarse por mor da intensa calor.

E coa situación económica que estamos a vivir, moitos clientes miran cada vez máis o peto para axustar gastos tamén en santos. Por iso nas florerías insisten en que malia que quedan aínda tres semanas é importante adiantar os encargos para conseguir a opción que máis se adapte aos nosos gustos e tamén ao noso presuposto.