Unha avaría deixa 200 veciños sen luz durante horas no barrio vigués de Teis
Naturgy asegura que foi unha avaría na liña
A subministracións restableceuse pasadas as 10 da noite
Houbo zonas de Teis que estiveron ata 5 horas sen luz
Uns 200 veciños quedaron sen luz nas últimas horas no barrio vigués de Teis. O servizo foi interrompido por unha avaría na liña e quedou restablecido contra as dez e media da noite. Vivendas e negocios tiveron problemas pola falta de luz, que tamén se notou na circulación, ao quedar os semáforos sen electricidade.
A baixada a Ríos foi a zona máis afectada pola falta de subministración. Empezaron a notar baixadas na tensión sobre as cinco da tarde e moitos foron para a cama sen que volvera a luz.
Na Avenida de Galicia o corte afectou aos semáforos e provocou algún problema puntual no tráfico. Malia todo, nesta zona de Teis o corte durou menos tempo.
Houbo vivendas onde non puideron facer a cea, outros tiveron problemas para meter o coche no garaxe.
Os máis afectados, os comercios e empresas da zona, tamén algunha cafetería que tivo que pechar.
Dende o apagamento hai quen ten na casa do que botar man, e hai quen tira de paciencia.
Naturgy di que a incidencia se debeu a unha avaría na liña. Os técnicos conseguiron arranxala e restablecer a subministración sobre as 10 e media da noite.
