'National Geographic' recomenda Pontevedra entre os dez destinos do mundo para vistar en verán

"Un dos dez lugares do mundo en que un pode esquecerse do coche". Así define a prestixiosa revista National Geographic unha cidade galega, que ademais recomenda visitar este verán. 

Este é un dos principais aspectos que posicionaron a cidade de Pontevedra entre os dez mellores destinos do mundo para ir de vacacións  segundo a revista National Geographic. Poder percorrela a pé e sen coches polo medio é un valor engadido para os que deciden visitala.

Tranquilidade á que se suma o patrimonio cultural que ofrecen edificios relixiosos, museos, pontes, rúas e prazas. A publicación resalta tamén a cidade como lugar de referencia do Camiño Portugués.

Unha distinción que tamén os pontevedreses valoran positivamente. Recoñecemento que pon en valor tamén a calidade dos viños das Rías Baixas que se poden degustar tras pasear a cidade.