Israel deixa 200 persoas mortas en Gaza en só 24 horas tras a fin da tregua
As autoridades israelís confirman a morte de cinco reféns capturados por Hamás
Traslado dunha persoa ferida en Deir Al-Balah (Franxa de Gaza)
O Exército de Israel continúa este sábado a súa ofensiva militar contra o grupo islamita Hamás na franxa de Gaza por segundo día consecutivo desde que rachou a tregua.
"Durante o último día, as Forzas de Defensa de Israel atacaron máis de 400 obxectivos terroristas en toda a franxa de Gaza", indicou un portavoz do Exército israelí.
Segundo informou o Ministerio de Saúde de Gaza, "máis de 200 persoas morreron e máis de 600 resultaron feridas desde que finalizou a pausa humanitaria", por mor dos bombardeos.
As autoridades israelís tamén confirmaron a morte de cinco reféns, capturados polo grupo islamita Hamás, na franxa de Gaza, sen daren detalles sobre os falecementos. Calculan que aínda quedan 132 persoas cativas vivas no enclave palestino.
Bombardeo israelí na Franxa esta mañá
