Paquistán anuncia o logro dun "texto definitivo" do acordo de paz entre Irán e os EUA

O primeiro ministro de Paquistán, Shehbaz Sharif, anunciou este venres que se alcanzou un "texto definitivo e consensuado" para un acordo de paz entre Irán e os Estados Unidos.

"Podemos confirmar que se alcanzou un texto definitivo e consensuado do acordo de paz e que Paquistán está a colaborar estreitamente con ambas as partes para concretar os próximos pasos", afirmou Sharif en X. 

Amid ongoing intense mediation efforts by Pakistan, we are fully aware of incessant misinformation campaign being waged by those who want to sabotage the peace deal. Setting aside the noise, we can confirm that a final, agreed upon text of the peace deal has been reached and…

— Shehbaz Sharif (@CMShehbaz) June 12, 2026

"A paz nunca estivo tan preto como agora", agregou o xefe do Gobierno paquistaní.

O anuncio chegou pouco máis dunha hora despois de que o ministro de Exteriores de Irán, Abás Araqchí, asegurase, tamén en X, que un "memorando de entendemento" con Estados Unidos estaba preto, engadindo que os detalles do mesmo se compartirán "no momento oportuno".

Este mesmo venres, o vicepresidente dos Estados Unidos, JD Vance, asegurou que a firma dun acordo de paz podería celebrarse esta fin de semana en Europa.

Vance engadiu que os termos do que Irán define como memorando de entendemento teñen "o potencial de transformar a rexión e conducir a unha paz duradeira".

Estados Unidos espera asinar "nos próximos días" un acordo con Irán para poñer fin á guerra que cumpriría os "obxectivos principais" do presidente estadounidense, Donald Trump, como reabrir o estreito de Ormuz e poñer as bases para desmantelar o programa nuclear iraniano, segundo declarou un alto cargo da Administración.

"Esperamos asinar este acordo nos próximos días. Non podo darlle unha data exacta", declarou baixo condición de anonimato un funcionario nunha chamada con xornalistas, na que dixo que confía nun 85% en que se poderá asinar o acordo.

Esta fonte declarou que o borrador de acordo "cumpre cos obxectivos centrais que o presidente dos Estados Unidos estableceu" ao iniciar a guerra contra Irán o pasado febreiro e pon a Washington "nunha posición moi, moi favorable".

Paquistán posicionouse como unha mediador clave no conflito que se desatou en Oriente Medio o pasado 28 de febreiro, logrando acordar un cesamento do fogo entre Teherán e Washington a principios de abril.

Subida xeneralizada das bolsas 

As bolsas europeas celebraron o principio de acordo anunciado por Estados Unidos para poñer fin ao conflito con Irán con subidas na contorna do 2% nos seus parqués.

O IBEX 35, a bolsa española, foi a praza europea que máis subiu, cun avance do 2,59% que levou ao selectivo español unha nova marca ao peche, nos 18.764,4 puntos.

No conxunto da rexión, o índice de referencia Euro Stoxx 50 anotouse un avance do 2,16%, impulsado polo optimismo xeneralizado no Vello Continente.Amtes

Antes que en Europa, as bolsas asiáticas tamén pecharan con salientables subidas, impulsadas polo mesmo optimismo, e o Kospi surcoreano liderou a rexión cun aumento do 4,63%.

Na mesma liña, o petróleo brent, de referencia en Europa, caeu un 3,37% ata 87,33 dólares o barril.