Veciños do centro de Vigo denuncian os problemas que lles xera o Nadal

Veciños do centro de Vigo denuncian os prexuízos que lles causa o Nadal no medio da cidade. Aseguran que durante dous meses a vila está colapsada polas visitas e os turistas, que ata os servizos de emerxencia teñen dificultades para traballar e que o ruído e os problemas de mobilidade lles altera a vida.

Piden o cesamento da responsable de Seguridade Patricia Rodríguez, aseguran que os beneficios económicos non o xustifican todo e que se están vulnerando os dereitos fundamentais dos residentes no centro.