Un home de 78 anos falece no incendio da súa casa en Xinzo de Limia
Un home de 78 anos falece no incendio da súa casa en Xinzo de Limia
Todo apunta a que o lume puido comezar nunha estufa
Un home de 78 anos faleceu de madrugada no incendio da súa vivenda en Xinzo de Limia, na aldea de Ganade. A Garda Civil investiga as causas do lume.
José Luís Valencia non foi quen de saír da casa. Vivía só. Contra a unha da madrugada, un veciño avisou o 112 porque viu que a vivenda comezaba a arder.
Cando chegaron os bombeiros de Xinzo e o 061 atopárono xa morto debaixo dos cascallos que provocaron as lapas, no salón na planta baixa. Ata o lugar desprazouse o seu irmán Marcial, que veu de madrugada desde Vigo.
O primeiro andar da vivenda, todo de madeira por dentro, ardeu por completo e o lume tamén afectou o segundo piso. Axentes da Policía Científica da Garda Civil buscaban este sábado pistas sobre a orixe do incendio, aínda que todo apunta a que puido comezar nunha estufa.
Conmoción este sábado en Ganade pola morte do seu veciño. O seu corpo foi trasladado ao hospital para practicarlle a autopsia. Despois, será soterrado.