Xardín sensorial e refuxio climático no Carballiño

Este xardín ten olores propios. É dicir, sentarse nun dos seus bancos, a carón do río Arenteiro, é toda unha experiencia para os sentidos, sobre todo para o olfacto xa que estas rodeado por unha vintena de plantas aromáticas.

Este parque ole a lavanda, romeu, alfándega, herba boa, ourego....e está aberto a todo o público que pase por este paseo a carón da piscifactoría do Carballiño. Un espazo concibido como un refuxio climático.

A súa construción foi a través dun obradoiro de emprego onde participaron unhas dezaseis persoas menores de trinta anos. Todas elas, conseguiron xa o seu certificado de xardinería.