Xantar regresa a Expourense con 160 expositores de catro países

A feira gastronómica Xantar regresa despois de 20 meses, adiado pola pandemia. Volve este salón que congrega en Expourense ata 160 expositores de catro países co mellor da gastronomía e moitas actividades para os visitantes.

Trátase dunha feira profesional cun marcado carácter tamén de evento social onde reunirse para degustar os mellores produtos e descubrir novidades para levar á mesa. Coma sempre, haberá menús nos 8 restaurantes que se sumaron desta volta.