Viveiro marca a máxima de Galicia ao alcanzar os 28 graos de temperatura

Acabado de estrear o outono, as temperaturas parece que non queren dar por rematado o verán. Vímolo na Mariña, onde este domingo os termómetros marcaron os seus mellores rexistros.

O valor máis elevado de toda Galicia deuse no concello de Viveiro, onde alcanzaron os 28 graos de temperatura.

Débese fundamentalmente a que soprou vento do sur, que axudou a que se coara aire cálido subtropical, unha razón máis para gozar desta zona e das súas praias.