Viveiro atrae a milleiros de persoas á romaría do Naseiro
Tamén coñecida como romaxe do bo xantar, prolóngase cinco días e os festeiros viven durante eses días en casetas feitas por eles mesmos para gozar da troula
Coámonos nalgunha das casetas nas que os festeiros pasan os cinco días que dura o Naseiro. Destacan os integrantes desta familia que o principal atractivo é "xuntarse coa xente que hai tempo que non ves".
Comezaron montar xa o luns, aínda que unha das integrantes lembra que antes só se poñía unha mesa, mentres que agora "temos neveira, sofás, de todo".
A cita reúne todos os anos a milleiros de persoas. Comenta un romeiro que este ano hai "o dobre de xente" que o anterior.
Coñécese tamén como a romaxe do bo xantar. Apuntan que o luns é o día dedicado ao polbo, "o sábado fixemos paella; o domingo, churrasco e hoxe, caldo".
Declarada de interese turístico galego, a romaxe vén do século pasado cando se xuntaban ao rematar as tarefas do campo para despedir o verán.
