Desencantadas coas aplicacións de citas, as xeracións máis novas procuran vías alternativas para atopar parella
Desencantadas coas aplicacións de citas, as xeracións máis novas procuran vías alternativas para atopar parella
Nas axencias matrimoniais a maior parte dos usuarios seguen a ser os maiores de 35 anos
Entre as persoas que buscan parella cada vez son máis as desencantadas coas aplicacións de citas. Sobre todo, as xeracións máis novas. Nas axencias matrimoniais tamén o están a notar.
"A partir dos 23 ou 24 anos os que queren xa plantearse unha parella seria e que xa estiveron investigando polas redes son os que adoitan vir", asegura Pilar Abeleira, da axencia matrimonial Lazos.
Pilar é psicóloga con experiencia en terapias de parella. Apunta á inseguridade e á desconfianza cara as relacións que se establecen online.
"As aplicacións fíxanse só no físico. Poden poñer certas habilidades ou características deles, pero o certo é que se senten menos seguros", matiza Pilar Abeleira.
Con todo, nas axencias matrimoniais a maior parte dos usuarios seguen a ser os maiores de 35 anos. Un servizo de asesoramento e acompañamento durante todo o proceso de busca, sen límite de tempo e que pode oscilar entre os 700 e os 2000 euros.
