Visibilizar a enfermidade de Lyme
Unha veciña da Pontenova, doente crónica, conciencia sobre a gravidade desta patoloxía
Matilde Marqués, residente na Pontenova, leva catro anos vivindo un auténtico calvario. Todo comezou cando sufriu varias picadas de carrachas, que lle acabaron transmitindo a enfermidade de Lyme crónica que agora padece. De feito, estivo a piques de morrer, e na actualidade arrastra graves secuelas, como problemas de equilibrio ou falta de forza nas mans.
"Sobrevivín, pero quedáronme secuelas. Teño falta de memoria, falta de visión, xordeira, problemas gastrointestinais, problemas de pronuncia, das articulacións ou da musculatura", lamenta a muller.
Matilde é a representante en Lugo da iniciativa solidaria LYMEtro a metro, unha carreira virtual con dous obxectivos principais. Por unha parte, concienciar a cidadanía sobre a gravidade desta doenza, e por outro, esixir dos organismos públicos máis medios para loitar contra unha patoloxía que, segundo sinalan, non está atendida como debería.
"A Seguridade Social ten que recoñecer a enfermidade de Lyme como crónica, que non o fai, para que teñamos un tratamento e se nos poidan facer análises certeiras e precisas, porque non as temos", suliña.
As carrachas son portadoras do patóxeno responsable da doenza, a borrelia. Cómpre, por tanto, usar repelentes, roupa e calzado axeitados para evitar as súas picadas.
Matilde é a máxima representante na provincia de Lugo na loita polo recoñecemento da enfermidade de Lyme como crónica
