Vingegaard asina un pleno de vitorias no medio do trebón en Monte Aloia
Vingegaard asina un pleno de vitorias no medio do trebón en Monte Aloia
A última etapa do Gran Camiño tivo que reducirse polas malas condicións do tempo
O dinamarqués levou as tres etapas e acabou acompañado no podio por Lenny Martínez e Egán Bernal
O vento e a chuvia non se aliaron co Gran Camiño. A última xornada tivo que recortarse por mor das malas condicións climatolóxicas. A organización decidiu dar unha única pasada pola subida ao Monte Aloia e prescindir dos últimos 30 quilómetros da etapa.
Vistas as condicións foi o máis axeitado. A etapa protagonizouna Fagúndez, que durante moitos quilómetros foi líder provisional da carreira. Pero o Jumbo tiña totalmente controlada a situación e achegou o pelotón dos importantes a pés do Aloia. Aí foi o insaciable Vingegaard o que deu o golpe de graza marchando en solitario e logrando a terceira vitoria en tres etapas, tal e como acontecera en 2023.
O prometedor Lenny Martínez (Francaise des Jeux) acabou no segundo posto, e tamén foi o segundo na clasificación xeral. No terceiro chanzo do podio acabou Egán Bernal que vai collendo o golpe de pedal nesta temporada do seu regreso á elite.
