Vigo activa un plan de tráfico polos actos do día das Forzas Armadas
Desde o venres haberá cortes de tráfico e reducción da mobilidade
Afectan a distintas zonas da cidade: a contorna do Náutico, de Balaídos e As Travesas
O primeiro grupo, mil militares, chegará a este campamento no pavillón das Travesas nos próximos días. No Ifevi, agardan a que se desmonten os expositores de Navalia para comezar canto antes a instalación do segundo campamento.
As actividades arrancan a próxima semana con exhibicións do persoal e material militar, demostracións das unidades de rescate e distintos encontros de músicas militares. Un dos pratos fortes terá lugar na praia de Samil, onde se efectuará a Revista Naval, presidida polo rei.
O acto central será o sábado 30 de maio. Vigo alberga por primeira vez na súa historia o dispositivo militar máis importante do ano.
Desde este venres xa hai restricións na mobilidade e cortes de tráfico en distintas rúas da cidade polos actos de celebración.
